Cuisle an Chomhshaoil: Cruthaitheacht / Gníomhachas / Oidhreacht

Lúnasa / August 21, 2024,

Seanscoil Sailearna, Na hAille, Indreabhán, Co. na Gaillimhe

11.30 - 1.00: Siúlóid Dúlra
1.00 - 2.00: Lón ó POTA
2.00 - 4.00: Ceardlanna Ealaíona
7.00 - 9.00: Ceolchoirm

Cuisle an Chomhshaoil: Cruthaitheacht / Gníomhaíochas/ Oidhreacht

An bhfuil suim agat sna healaíona agus i gcúrsaí timpeallachta agus pobail? Tagaigí ag spaisteoireacht linn ar thuras cruthaitheach agus iniúchadh ealaíonta á dhéanamh againn ar cheist na timpeallachta. 

Tá ealaíontóirí agus gníomhaithe aeráide óga, atá páirteach sa togra CLICA (Feachtasóirí Óga Aeráide) ag eagrú lá cruthaitheach gníomhaíochais i Seanscoil Sailearna ar an 21ú Lúnasa. Tabharfaidh an lá seo deis don phobal, idir óg agus sean, cuid de na ceisteanna a bhaineann leis an timpeallacht a chíoradh ar bhealach cruthaitheach agus samhailteach. Beidh trí chuid i gceist leis an lá - siúlóid dúlra agus ceoil, ceardlanna ealaíne do dhaoine óga, agus ceolchoirm. (Ní gá freastal ar an ócáid ar fad. Is féidir clárú do chuid amháin, do dhá chuid nó don lá ar fad.)

Amchlár (Siúlóid Dúlra & Ceoil)

11:15: Teacht le chéile ag Seanscoil Sailearna

11:30 -13.00 :Siúlóid Dúlra & Ceoil ar bhóthar Chlochar na gCon

Siúlóid dúlra ar bhóthar Chlochar na gCon i gCois Fharraige, treoraithe ag an Dr Seathrún Ó Tuairisg, (Flóra Chois Fharraige), Éanna Hyland (Clár Uisci na nÚdarás Áitiúil) agus Peadar-Tom Mercier (Dinnseanchas - Hometree) le muid a thumadh i bhfuaimrian an nádúir agus an cheoil agus chun foghlaim faoi chaomhnú bithéagsúlachta agus uisce sa gceantar.

Beidh muid ag foghlaim faoi cáilíocht uisce agus Clár Uiscí na bPonc Gorma, agus eolaíocht saoránach (citizen science) sa bportach ó Éanna; ag cloisteáil faoi bithéagsúlacht, plandaí áitiúla agus athghiniúint ceantar portaigh anseo ó Seathrún, agus beidh Peadar-Tom ag stiúradh na scéalaíochta agus an cheoil. Beidh Rosina Joyce, Oifigeach Bithéagsúlachta le Comhairle Chontae na Gaillimhe linn, ag labhairt faoi chaomhnú bithéagsúlachta sa gceantar.

13:00-14:00 Cuirfidh POTA lón ar fáil ag deireadh na siúlóide, i Seanscoil Sailearna (urraithe ag Clár Uisci na nÚdarás Áitiúil)

Tar éis an lóin, beidh micreascóip ar fáil chun scrúdú a dhéanamh ar shamplaí a bailíodh ar an tsiúlóid.

Croch leat uachtar gréine, éarthach feithidí, bróga agus éadach feiliúnach don bháisteach. Í gcás drochaimsir, beidh muid ag fanacht i Seanscoil Sailearna, agus beidh na haoínna speisialta ag déanamh a gcur í láthair ansin. Tá an ócáid seo feiliúnach do gach aoisghrúpa ach caithfidh tuismitheoir / caomhnóir a bheith in éineacht le rannpháirtithe faoi 18.

14.00 - 16.00: Ceardlanna Ealaíne

Beidh rogha ceardlann ar siúl do dhaoine óga idir 15-25 a dhíreoidh ar úsáid a bhaint as ár n-oidhreacht le todhchaí inbhuanaithe agus dóchasach a shamhlú. 
Ceol & amhránaíocht le Síle Denvir, Becky Ní Éallaithe, Peadar-Tom Mercier agus Meadhbh O’Leary Fitzpatrick; filíocht chomhaimseartha le Gormfhlaith Ní Shíocháin-Ní Bheoláin, agus zines le Mairéad Hurley. 

17.00 - 19.00 Cuisle an Chomhshaoil: Ceolchoirm

Ceolchoirm le ceol, filíocht agus caint, le Síle Denvir, Becky Ní Éallaithe, Peadar-Tom Mercier, Meadhbh O’Leary Fitzpatrick, Mairéad Hurley, Éanna Hyland agus Gormfhlaith Ní Shíocháin-Ní Bheoláin.
Déanfaidh na healaíontóirí machnamh ar théamaí an lae sa gceolchoirm seo agus léireofar ról na n-ealaíon, an chultúir agus na hoidhreachta maidir lenár dtimpeallacht áitiúil a chosaint ar mhaithe le todhchaí inbhuanaithe.

Ní gá freastal ar an ócáid ar fad. Is féidir clárú do chuid amháin, do dhá chuid nó don lá ar fad.

Beidh físeán á thaifead againn i rith an lae leis an gcaidreamh atá againn leis an talamh, leis an uisce, le bithéagsúlacht agus le hoidhreacht an cheantair a iniúchadh agus a cheiliúradh.

Tá an t-imeacht seo á reachtáil mar chuid den togra CLICA mar chuid den Seachtain Oidhreachta 2024, atá comh-mhaoinithe ag an Aontas Eorpach (Erasmus+), le tacaíocht ó Chlár Uiscí na nÚdarás Áitiúil, Comhairle Chontae na Gaillimhe, Coláiste na Tríonóide, Ollscoil Chathair Bhaile Átha Cliath.